ගාල්ල කඩවත්සතර ප්රාදේශිය ලේකම් කාර්යාලයේ නිලධාරින් වෙනුවෙන් Digital Marketing සම්බන්ධ වැඩමුළුවක් පසුගියදා ජෙනෙසිස් සොෆ්ට්වෙයාර් පුද්ගලික සමාගමේ පූර්ණ අනුග්රහයෙන් එම ආයතනයේ දී පැවැත්විණි. “Smart Skills 2023 -ජීවිතයට තොරතුරු තාක්ෂණය” වැඩසටහන යටතේ තොරතුරු තාක්ෂණය සම්බන්ධයෙන් උනන්දුවක් දක්වන නිලධාරින් 10 දෙනෙකු මෙම වැඩසටහන සඳහා සහභාගි කරනලදී.
ආයතනික කටයුතුවලදී මෙන් ම පුද්ගලික ජීවිතයේ දී Digital Marketing දැනුම භාවිතා කිරීම සම්බන්ධයෙන් අවශ්ය දැනුම මෙහිදී ලබා දෙන ලදී.
ප්රාදේශිය ලේකම් අයි.එස්. සමරකෝන් මහතාගේ උපදෙස් පරිදි සහකාර ප්රාදේශීය ලේකම් පසිඳු ලක්රුවන් මහතාගේ අධීක්ෂණය යටතේ සිදු කළ ඉහත වැඩසටහන සඳහා පරිපාලන නිලධාරි ඩී.ටී. දොඩම්පේගම මහත්මියගේ පූර්ණ සහයෝගය ද ඉහත කණ්ඩායම වෙත ලැබුණි.
උපලක්ෂි කොඩිතුවක්කු මෙනවිය මෙම වැඩසටහනේ සම්පත් දායකයා වශයෙන් සහභාගි වූ අතර, ජෙනෙසිස් සොෆ්ට්වෙයාර් පුද්ගලික සමාගමේ ප්රධාන විධායක නිලධාරි සේනක වීරසූරිය, වැඩසටහන් නිෂ්පාදන කළමනාකරු චමේන්ද්ර පෙරේරා ඇතුළු මහත්ම මහත්මීන් පිරිසක් මෙම වැඩසටහන මනාව සංවිධානය කර තිබුණි.
තොරතුරු හා සන්නිවේදන තාක්ෂණ සහකාර එම්.එල්.ආර්. ජානකී මහත්මිය මෙම වැඩසටහනේ සම්බන්ධීකරණ කටයුතු සිදුකරන ලදී.
