කඩවත්සතර ප්‍රාදේශීය ලේකම් කාර්යාලය

උප්පැන්න හෝ විවාහ හෝ මරණ සහතිකයේ පිටපත් ලබා ගන්නේ කෙසේද?

• උප්පැන්න හෝ විවාහ හෝ මරණ සහතිකයේ අංකය හා දිනය දන්නේ නම් රුපියල් 100ක්ද,
• උප්පැන්න හෝ විවාහ හෝ මරණ සහතිකයේ අංකය හා දිනය නොදන්නේ නම් රුපියල් 200ක්ද ප්‍රාදේශීය ලේකම් කාර්යාලයට ගෙවා රිසිට් පතක් ලබා ගත හැකිය.
• මෙහිදී ගාල්ල කඩවත්සතර ප්‍රාදේශීය ලේකම් කාර්යාල බල ප්‍රදේශය තුල සිදු වූ උපතක් හෝ විවාහයක් හෝ මරණයක් නම් පමණක් (උපන්දා සිට මේ දක්වා) ගාල්ල කඩවත්සතර ප්‍රාදේශීය ලේකම් කාර්යාලයෙන් අදාල සහතිකපත් ලබා ගත හැකිය.  1960 සිට 2016 දක්වා ලංකාව තුල ලියාපදිංචි වී ඇති (වෙනත් රටක ඉපදී ලංකාවේ  දී උප්පැන්නය ලියාපදිංචි කර ඇති) උපතක්, විවාහයක් හෝ මරණයක් සඳහා ද සහතිකපත් අප කාර්යාලයෙන් ලබා ගත හැක.

{slider උපත් ලියාපදිංචි කරන්නේ කෙසේද?|closed}

• සාමාන්‍ය උපතක් ලියාපදිංචි කිරීම සඳහා උපත සිදු වී මාස තුනකට කලින් අදාළ කොට්ඨාශයේ උප්පැන්න ලියාපදිංචි කිරිමේ රෙජිස්ට්‍රාර්වරයකු මුණ ගැසී උපත ලියාපදිංචි කර ගත යුතුය.
• මාස තුනක් පසුවූ උප්පැන්න ලියාපදිංචි කිරීම සඳහා අතිරේක දිස්තික් රෙජිස්ට්‍රාර් මුණ ගැසී අදාළ තොරතුරු ලබා ගන්න.

උප්පැන්න සහතිකයේ සංශෝධන කටයුතු සිදු කරන්නේ කෙසේද?

• අදාළ ලියකියවිලි රැගෙන අතිරේක දිස්ත්‍රික් රෙජිස්ට්‍රාර් මුණගැසෙන්න.

සිවිල් විශ්‍රාමිකයා මිය ගිය පසු වැන්දඹු අනත්දරු විශ්‍රාම වැටුප සාදා ගන්නේ කෙසේද?

• පළමුව විශ්‍රාමිකයාගේ මරණ සහතිකය ලබා ගෙන විශ්‍රාම වැටුප නතර කිරීම.
• වැඩිපුර මුදලක් තිබේ නම් එය ගෙන්වා ගැනීමට බැංකුවට ලිපි දැමීම.
• පසුව අදාල පුද්ගලයා පහත සඳහන් ලිපි ලේඛන රැගෙන එන ලෙස දැනුම් දීම.
• විශ්‍රාමිකයාගේ මරණ සහතිකයේ මුල් පිටපත
• වැන්දඹුවගේ උප්පැන්න සහතිකයේ මුල් පිටපත
• විවාහ සහතිකයේ මුල් පිටපත
• වැන්දඹුවගේ බැංකු පොතේ ඡායා පිටපතක්
• වැන්දඹුවගේ හැදුනුම්පතේ ඡායා පිටපතක්
• වැන්දඹු අනත්දරු කාඩ්පතේ ඡායා පිටපතක් හෝ වැන්දඹු අනත්දරු අංකය
• ග්‍රාම නිලධාරි විසින් සහතික කරන ලද පාස්පෝට් ප්‍රමාණයේ වර්ණ ජායාරූපයක්
• ඉහත ලියවිලිවල ඡායාපිටපත් සියල්ල ග්‍රාම නිලධාරී විසින් සහතික කල යුතුය.
• අනතුරුව ඔවුන් අදාල තොරතුරු ලබා දුන් පසු ලිපිගොනුව රැගෙන වැන්දඹු අනත්දරු විශ්‍රාම වැටුප සෑදීමට අවශ්‍ය කටයුතු කිරීම.